مظفرگڑھ(مظفرگڑھ ڈاٹ سٹی۔ 15 نومبر2021ء) احساس کفالت پروگرام کے نام پر عوام کو لوٹنے والا نوسر باز گروہ گرفتار،مقدمہ درج،گروہ میں ایک خاتون اور 3 مرد شامل ہیں،پولیس ذرائع کے مطابق مظفرگڑھ کے نواحی علاقے چوک سرور شہید میں ایک خاتون اور 3 مردوں پر مشتمل نوسر باز گروہ نے احساس کفالت پروگرام کے نام پر غریب خواتین کو بیوقوف بنا کر لوٹنے کا سلسلہ شروع کیا ہوا تھا، نوسرباز گھر گھر جا کر غریب خواتین سے احساس کفالت پروگرام میں نام انداج کے پیسے لے رہی تھے،پولیس کے مطابق نوسر باز گروہ فی خاتون 2000 روپے نام درج کرنے کے نام پر لے رہا تھا ایک متاثرہ خاتون شکیلہ بی بی نے شک گزرنے پر پولیس کو اطلاع دی تو پولیس تھانہ چوک سرور شہید نے موقع پر پہنچ کر رنگے ہاتھوں نوسرباز 3مرداور 1خاتون کو حراست میں لے کر مقدمہ درج کر لیا