مظفرگڑھ (مظفرگڑھ ڈاٹ سٹی۔ 09 نومبر2021ء) ڈپٹی کمشنر سید موسیٰ رضا نے کہا ہے کہ مصنوعی مہنگائی اورناجائز منافع خوری کو کسی صورت برداشت نہیں کیا جائے گا،مہنگائی کرنے والوں، ذخیرہ اندوزوں اور ناجائز منافع خوروں کے خلاف سخت کارروائی عمل میں لائی جائے، چینی کی فروخت کو سرکاری نرخ پر یقینی بنایا جائے گا اس پر کسی قسم کا سمجھوتہ نہیں کیا جائے گا، یہ بات انہوں نے ضلعی پرائس کنٹرول کمیٹی کے اجلاس کی صدارت کرتے ہوئے کہی۔
انہوں نے پرائس کنٹرول مجسٹریٹس کو ہدایت کی کہ ہر پرائس کنٹرول مجسٹریٹ اپنے علاقے میں مہنگائی اور ناجائز منافع خوری کا ذمہ دار ہوگا۔انہوں نے انجمن تاجران اور کریانہ ایسوسی ایشن کے نمائندگان کو کہا کہ قیمتوں کا تعین ان کی مشاورت سے کیا جاتا ہے تو اس پر عملدرآمد کو بھی یقینی بنایا جائے۔
اجلاس میں انجمن تاجران، کریانہ ایسوسی ایشن اور صارف کے نمائندگان کی مشاورت سے اشیاء خوردونوش کی قیمتوں کا تعین کیا گیا جس کا نوٹیفیکیشن ڈپٹی کمشنر جاری کریں گے۔
ڈپٹی کمشنر نے دکانداروں سے بھی اپیل کی کہ وہ مقررکردہ قیمتوں کے مطابق اشیاء خوردو نوش کو فروخت کریں اور نرخ نامہ نمایاں جگہ پر لگائیں، اجلاس میں ڈی او انڈسٹری رانا گلفام،مارکیٹ کمیٹی سے نجیب فیض، صدر انجمن تاجران سید امیر حسن سمیت کریانہ ایسوسی ایشن کے نمائندگان اور صارف نمائندگان نے شرکت کی۔
مظفرگڑھ (مظفرگڑھ ڈاٹ سٹی ۔ 08 ستمبر2025ء) مظفرگڑھ میں 11 گھنٹوں کی موسلادھار بارش سے…
مظفرگڑھ (مظفرگڑھ ڈاٹ سٹی ۔ 08 ستمبر2025ء) ریلیف کیمپس والے اسکولز کی چھٹیوں میں توسیع…
مظفرگڑھ (مظفرگڑھ ڈاٹ سٹی۔ اے پی پی۔ 25 جولائی2025ء) موسلادھار تیز بارش کی وجہ سے…
نورالعین قریشی گجرات کی پہلی خاتون ڈی سی گجرات تعینات ہوئی ہیں ..انکی پہلی پوسٹنگ…
اسلام آباد: واپڈا نے سینئر افسر اور کہنہ مشق کمیونیکیشن ایکسپرٹ جناب عابد رانا کو…
ISLAMABAD, Feb 10 (APP): Independent Candidate, Rana Abdul Manan Sajid has won the Punjab Assembly…