مسیحی برادری کے وفد کی ڈپٹی کمشنر اور ڈی پی اوسے ملاقات

مظفرگڑھ ۔06جنوری(مظفر گڑھ ڈاٹ سٹی۔ 06 جنوری2018ء) کرسمس تقریبات پر ضلع مظفر گڑھ میں فول پروف سیکورٹی انتظامات کرنے پر ڈپٹی کمشنر اور ڈی پی او مظفرگڑھ کا شکریہ ادا کیااور انہیں گلدستہ پیش کیا۔علاوہ ازیں ڈپٹی کمشنر مظفرگڑھ نے کرسچن ہائوسنگ سکیم کے حوالے سے ریونیو ڈیپارٹمنٹ کو فوری طور پر کمیٹی تشکیل دینے کا حکم دیا اور کہا کہ مسیحی برادری کے ہمہ قسمی مسائل کے حل کے لئے ڈی سی آفس کے دروازے ہر وقت ان کے لئے کھلے ہیں۔جبکہ ڈی پی او نے چک نمبر587/TDA سرور شہید اور چک نمبر5/4/L رنگ پور میں سیکورٹی چوکیاں قائم کرنے کا اعلان کیا۔ مسیحی وفد میں وسیم شاکر ممبر ضلع کونسل ضلعی کوآرڈینیٹراقلیتی امور مظفرگڑھ کے علاوہ بشپ طارق ، پاسٹر عرفان، پاسٹر عارف، پاسٹر اسٹیفن، پاسٹر سیموئیل، پاسٹر شمعون ، مبشر سہیل اصغر، ڈئین صدیق ، شہباز مسیح اور ڈاکٹرمنیٹر شامل تھے۔