مظفرگڑھ ۔05فروری(مظفر گڑھ ڈاٹ سٹی۔ 05 فروری2018ء) ڈپٹی کمشنر محمد سیف انور نے کہا ہے کہ مقبوضہ کشمیر پاکستان کا حصہ ہے ، مسئلہ کشمیر کو اقوام متحدہ کی قرار داد کے مطابق حل وقت کی ضرورت ہے، مقبوضہ کشمیر کی عوام کو حق خودارادیت دیا جائے تاکہ وہ اپنے مستقبل کا فیصلہ خود کرسکیں۔ یہ بات انہوں نے یوم کشمیر کے موقع پر مقبوضہ کشمیر کی عوام سے یکجہتی کا اظہار کرتے ہوئے کہی، انہوں نے کہا کہ حکومت پاکستان کی پالیسی کے مطابق آزادی کی جدوجہدمیں ہم اپنے کشمیری بھائیوں کے ساتھ کھڑے ہیں اور ان کی مکمل حمایت کرتے ہیں، اس موقع پر چیئر مین میونسپل کمیٹی سردار اکرم خان چانڈیہ نے اپنے خیالات کا اظہار کرتے ہوئے کہا کہ مقبوضہ کشمیر کے آزادی کیلئے ہم اپنے تن من اور دھن نے ساتھ اپنے کشمیری بھائیوں کے ساتھ شانہ بشانہ کھڑے ہیں اور ان کی مکمل آزادی تک اپنے حمایت جاری رکھیں گے ، سول سوسائٹی کے نمائندہ رانا محمد افضل، صدر مرکزی انجمن تاجران امیر حسن نے اپنے اپنے خطاب میں مقبوضہ کشمیرکی عوام سے ان کی آزادی تک مکمل حمایت جاری رکھنے کا اظہار کرتے ہوئے کہا کہ مقبوضہ کشمیر کا مسئلہ کو عالمی برادری بالخصوص امت مسلمہ کو اپنا مثبت کردار ادا کرنا ہوگا، قبل ازیں ڈپٹی کمشنر مظفرگڑھ کی قیادت میں قنوان چوک سے کچہری چوک تک مقبوضہ کشمیر کی عوام سے اظہار یکجہتی کیلئے ریلی نکالی گئی، ریلی میں چیئر مین میونسپل کمیٹی سردار اکرم خان چانڈیہ، اے ڈی سی جی ظہو رحسین بھٹہ، چیئرمین سول سوسائٹی نیٹ ورک ملک خیر محمد بدھ، رانا محمد افضل، امیر حسن، شیخ عامر سلیم، افضل چوہان، نعیم کاشف قریشی، طارق شریف، ناظم بلوچ، جاید اخترسمیت سول سوسائٹی کے نمائندگا، انجمن تاجران کے نمائندگان اور شہریوں کی کثیر تعداد نے شرکت کی، ریلی شرکا ء نے مقبوضہ کشمیر کے حمایت میں پلے کارڈ، بینر اٹھارکھے تھے اور مقبوضہ کشمیر کی آزادی کے حق میں نعرے بھی لگائے ، ریلی کی اختتام پر مقبوضہ کشمیر کی آزادی کے لئے خصوصی دعا کی گئی۔یوم کشمیر کے موقع پر کشمیری عوام کے یکجہتی کیلئے خورشید آباد ہائی سکول سمیت ضلع کی دیگر سرکاری و نجی سکولوں میں بھی تقاریب کا اہتمام کیاگیا تھا جس میں سکولوں کے بچوں نے اپنی تقاریر میں خطہ کشمیر کا پس منظر، کشمیری عوام کو بھارتی مظالم، بربریت ، کشمیری عوام کی جدو جہد آزادی اور قربانیوں پر روشنی ڈالی اور کشمیر ی عوام سے مکمل یکجہتی کا اظہار کیا۔