محمد ایوب کھوجہ نامی اوباش نے میرے 12 سالہ بیٹے کو ورغلا کر اغوا کر لیا،آئی جی پولیس پنجاب سے نوٹس لینے کی اپیل،والدصادق شاہ

مظفرگڑھ ۔ (مظفرگڑھ ڈاٹ سٹی۔ 20 ستمبر2019ء) مظفرگڑھ میں بچے کے اغوا کا معاملہ، اوباش نے بارہ سالہ بچے کو بدفعلی کے لئے اغوا کر لیا، سٹی پولیس مظفرگڑھ نے مقدمہ درج نہ کیا، میرے بچے کو کچھ ہوا تو پولیس ذمہ دار ہو گی،بچے کے والد کی ضلع کچہری مظفرگڑھ میں دہائی۔

تلیری مظفرگڑھ کے رہائشی صادق حسین شاہ نے سٹی پولیس مظفرگڑھ کو دی گئی درخواست میں بتایا کہ تلیری کے محمد ایوب کھوجہ نامی اوباش نے اس کے 12 سالہ بیٹے تصور عباس کو ورغلا کر اغوا کر لیا ہے اور اسے لیکر غائب ہو گیا ہے۔

اس نے ملزم کے ورثاء سے رابطہ کیا تو الٹا انہوں نے سنگین نتائج کی دھمکیاں دیں۔ ملزم ایوب کے خلاف پہلے بھی شراب نوشی اور بچوں سے بدفعلی کی شکایات ہیں۔سٹی پولیس نے کارروائی نہیں کی۔ اس نے ڈی ایس پی سٹی مظفرگڑھ سرکل کو بھی درخواست دی لیکن کوئی عمل نہیں ہوا، اس نے آئی جی پولیس پنجاب سے نوٹس لینے کی اپیل کی ہے۔