متحدہ مجلس عمل کے ملین مارچ کیلئے ایک ہزار رضاکار مظفرگڑھ پہنچ گئے

مظفرگڑھ۔ (مظفر گڑھ ڈاٹ سٹی۔ 22 دسمبر2018ء) متحدہ مجلس عمل کے ملین مارچ کیلئے انصارالاسلام کے باوردی ایک ہزار رضاکار مظفرگڑھ پہنچ چکے ہیں ، جبکہ قائدین ملتان پہنچ چکے ہیںآج مظفرگڑھ آئیں گے ، جبکہ ملین مارچ میں شرکت کیلئے عاشقان ختم نبوت کے پروانوں کے قافلے بھی آج صبح سے پہنچنا شروع ہو جائیں گے ۔10 بجے ملین مارچ کا آغازہو گا، ملین مارچ کے منتظمین کی سیکیورٹی اداروں کے ساتھ مشاورت مکمل ہو گئی ہے شرکاء کیلئے روڈ میپ جاری کر دیا گیا ہے۔صدر متحدہ مجلس عمل صوبہ سندھ علامہ راشد محمود سومرو نے ملین مارچ کی جگہ کا دورہ کیا مولانا خلیل الرحمان درخواستی سالار پنجاب عبدالمجید توحیدی الازھری نے بریفنگ دی ضلعی قائدین بھی بریفنگ میں شریک ہوے۔ ملین مارچ کے حوالے سے جمیعت علما اسلام کے وفد نے جس میں مولانا سید عبدالمعبود آزاد ماسٹر عاسق محمد مولانا حسن معاویہ اور سالار جمیعت علما اسلام پنجاب عبدالمجید توحیدی الا زھری شامل تھے، نے ڈی پی او مظفرگڑھ عمران کشور اور ڈی ایس پی سٹی ریحان رسول کو سیکیورٹی بریفنگ دی۔