مظفرگڑھ۔ (مظفر گڑھ ڈاٹ سٹی۔ 02 مارچ2020ء)فیاض پارک مظفرگڑھ میں جاری جشن بہاراں کے آخرروز محکمہ لائیو سٹاک کے زیر اہتمام کیٹل شو کا انعقاد کیا گیا،جس میں پالتوجانوروں کو نمائش پیش کیا گیا،جشن بہاراں کے آخری روزکی تقریبات میں ایڈیشنل ڈپٹی کمشنر ریونیو عارف ضیاء گجر، ایڈیشنل ڈپٹی کمشنر جنرل جام آفتاب حسین، ایم پی اے نیاز احمد گشکوری، اسسٹنٹ کمشنر مظفرگڑھ رانا محمد شعیب نے شرکت کی۔اس موقع پرڈپٹی کمشنر ریونیو عارف ضیاء کے کہا کہ جانور پالنا مظفرگڑھ کی ثقافت میں شامل ہے اور دیہی علاقوں میں جانور پالنا معیشت کا حصہ ہے جس سے نہ دودھ، گوشت اور ڈیری کے مصنوعات حاصل کی جاتی ہیں۔انہوں نے کہا کہ جشن بہاراں میں پالتوں جانوروں کی نمائش کا مقصد عوام کو پالتوں جانوروں ان کی نسل اور ان کی اہمیت و افادیت سے آگاہی فراہم کرنا ہے۔