مظفرگڑھ (مظفرگڑھ ڈاٹ سٹی۔ 19 جنوری2023ء) اسسٹنٹ کمشنر علی پور نے عوام کی سہولت کے لئے تحصیل علی پور میں سستے آٹے کے 8 پوائنٹس قائم کر دیئے۔
مظفرگڑھ کی تحصیل علی پور میں اسسٹنٹ کمشنر محمد حیدر نے سستے آٹے کے حصول کےلئے عوام کی طویل قطاروں اور بے پناہ رش کو دیکھتے ہوئے عوام کو سہولت فراہم کرنے کےلئے سلطان پور،سیدپور خیرپور سادات سمیت علی پور شہر میں سستے آٹے کے 8 پوائنٹس قائم کر دیئے ہیں،جہاں سرکاری سبسڈی والے سستے آٹے کا 10 کلو کا تھیلہ 648 روپے میں فراہم کیا جا رہا ہے،خواتین کےلئے تحصیل ہیڈکوارٹر ہسپتال کے ساتھ واقع ریسٹ ہاؤس کے گراؤنڈ میں سستے آٹے کا پوائنٹ قائم کیا گیا ہے جہاں صرف خواتین کو آٹا فراہم کیا جا رہا ہے۔
اسسٹنٹ کمشنر نے عوام سے اپیل کی ہے کہ سرکاری سبسڈی والے سستے آٹے کی فراہمی میں کرپشن یا سستے آٹے کی ہوٹل یا دوکانوں پر فروخت کی نشاند دہی کریں تا کہ ایسے عناصر کے خلاف کارروائی کی جا سکے