عمران خان نے چار سال ہیلی کاپٹر کے مزے لیے،اب تو عوام کی جان چھوڑ دو، ملک کو سیاسی استحکام کی ضرورت ہے،وفاقی وزیرشازیہ مری

وفاقی وزیر شازیہ مری نے خطاب کرتے ہوئے کہا کہ افسوس ہے کہ مجھے بھی قاتل روڈ پر سفر کرکے آنا پڑا۔

انہوں نے لوگوں سے وعدہ کیا کہ بلاول وزیراعظم بنے تو اس قاتل روڈ کو ڈبل کرنے سے کوئی نہیں روک سکتا ۔ وفاقی وزیر نے کہا کہ پیپلز پارٹی نے ہمیشہ سچے وعدے کیے اور وعدے وفا کرکے دکھائے، ووٹ کی قیمت کا پتہ صرف ورکرز کو ہی ہے۔عمران خان آپ نے چارسال ہیلی کاپٹر کے مزے لوٹ لیے اب ملک کی جان چھوڑ دو۔ شازیہ مری نے کہا کہ ہمیں بڑی باتیں پتہ ہیں لیکن ہم آپکے باپ کے قصے نہیں کھولیں گے، ہم نے مہنگائی پر قابو پانا ہے۔

ملک کو سیاسی و معاشی استحکام کی ضرورت ہے اور مظفرگڑھ کو یونیورسٹی کی ضرورت ہے، ہم انشاء اللہ یونیورسٹی کا وعدہ بھی نبھائیں گے ۔وفاقی وزیر شازیہ مری نے وومن ایمپاورمنٹ سنٹر خانگڑھ میں بنانے کا اعلان کیا۔ انہوں نے کہا کہ قاتل روڈ کو دورویہ کیا جائے گا۔ سیاست کرنی ہے تو عوام کی پارٹی میں کریں۔ انہوں نے اس موقع پر کہا کہ خانگڑھ کی خواتین کیلیے بے نظیر انکم سپورٹ پروگرام ڈائنامک رجسٹری سنٹر کے کاؤنٹرز کی تعداد بڑھانے کا اعلان کرتے ہیں ۔ 

عمران خان کو محنت سے اقتدار ملا ہوتا تو یوں میدان چھوڑ کر نہ بھاگ جاتے۔ انہوں نے مزید کہا کہ جو آدمی اس ملک کو جادوٹونہ پر چلا رہا ہے اسکو عوامی مشکلات کا نہیں پتہ۔ وفاقی وزیر نے کہا کہ شہید ذولفقار علی بھٹو کو قتل کرنے والوں نے قوم کی ترقی کو قتل کیا۔ مسٹر توشہ خان چاہتا ہے کہ ہم توشہ خانہ کو بھول جائیں،گھڑی کو بھول جائیں۔ بابائے جمہوریت نوابزادہ نصر الللہ خان نے اصولوں پر ڈٹ کر سیاست کی اور مخالفین سے اخلاقیات کے ساتھ بات کی۔ انہوں نے کہا کہ یہ کون سا پلاسٹر ہے جو اتر نہیں رہا۔ بے نظیر انکم سپورٹ پروگرام کی سہہ ماہی قسط میں پچیس فیصد اضافہ کیا جارہا ہے جس طرح بلاول نے نوجوانی میں سیاست کی ہے تم نے وہ سیاست بزرگی میں بھی نہیں کی ۔