ضلع بھر کے بلدیاتی اداروں میں کارکردگی کے لحاظ سے میونسپل کمیٹی دائرہ دین پناہ کی پہلی پوزیشن

مظفرگڑھ (مظفرگڑھ ڈاٹ سٹی۔ 02 مارچ2023ء) چیف آفیسر بلدیہ دائرہ دین پناہ شبانہ رشید نے اپنی بہتر کارکردگی سے دائرہ دین پناہ کو صاف ستھرے شہر میں تبدیل کر دیا ہے،اسسٹنٹ کمشنر کوٹ ادو کی ہدایت پر چیف آفیسر شبانہ رشید کی نگرانی میں شہر بھر سے کچرا اٹھایا جا رہا ہے، چیف آفیسر بلدیہ دائرہ دین پناہ شبانہ رشید کے مطابق شہر میں صفائی کی خصوصی مہم جاری ہے،خاص طور پر اسکولوں کا ماحول بہتر بنانے کےلئے اسکولوں کے سامنے سے تمام کچرا اٹھا لیا گیا ہے،انہوں نے بتایا کہ دائرہ دین پناہ شہر میں ڈمپنگ پوائنٹس کی بھی صفائی جاری ہے اور شہر کو کلین اینڈ گرین بنانا ان کی اولین ترجيح ہے،انہوں نے بتایا کہ آوارہ کتوں کی تلف کےلئے بھی ٹیم تشکیل دے دی گئی ہے شہر بھر کے آوارہ کتوں کو بھی جلد تلف کر دیا جائے گا،انہوں نے بتایا کہ ضلع بھر کے بلدیاتی اداروں میں کارکردگی کے لحاظ سے میونسپل کمیٹی دائرہ دین پناہ پہلے نمبر رہی ہے اور ان کی اسے مزید بہتر بنانے کی کوشش جاری ہے۔