مظفرگڑھ (مظفرگڑھ ڈاٹ سٹی ۔ 09 اگست2019ء) ایس پی انوسٹی گیشن چوہدری سجاد احمد گجر نے ڈی پی او دفتر میں کھلی کچہری سے خطاب کرتے ہوئے کہا ہے کہ شہریوں کو بلاتعطل انصاف کی فراہمی کا سلسلہ جاری رہیگا،ہفتہ وار کھلی کچہری کا انعقاد دفتر پولیس میں کیا گیا جہاں ایس پی انوسٹی گیشن چوہدری سجاد احمد گجر نے شہریوں کے مسائل سنے اور ان کے فوری حل کے احکامات جاری کئے ایس پی انوسٹی گیشن کا کہنا تھا کہ ڈی پی او صادق علی ڈوگر کی خصوصی ہدایات پر عمل کرتے ہوئے شہریوں کو عزت و احترام کے ساتھ مسائل کا حل کیا جائیگا۔