مظفرگڑھ۔ 17 دسمبر(مظفر گڑھ ڈاٹ سٹی۔ 17 دسمبر2018ء) سینئر سٹیزنز کو بائیومیٹرک تصدیق میں مشکلات کا سامنا کرنا پڑ رہا ہے ۔60 سال سے زائد عمر کے اکثر افراد کی انگلیوں کے نشانات بائیومیٹرک تصدیق کے وقت میچ نہیں کرتے بڑھتی عمر کے ساتھ جلد میں ھونے والی تبدیلی کی وجہ سے انگلیوں کی لکیروں میں تبدیلی آ جاتی ہے جس کی وجہ سے ان کی انگلیوں کے نشان میچ نہیں کرتے کمپیوٹرائزڈ لینڈ ریکارڈ کے دفتر کے با ہر مہر سرفراز چوہدری منظور حسین محمد شفیق اور متعدد دیگر بزرگ افراد نے نمائندہ اے پی پی کو بتایا کہ انہوں نے اراضی کا انتقال کرانا ہے لیکن دفتر والوں کا کہنا ھے کہ ان کی بائیو میٹرک تصدیق نہیں ہو رہی اسی طرح موبائیل فون کی فرنچائز پر بھی دیکھا گیا ہے کہ بزرگ افراد کی انگلیوں کے نشانات سم نکلواتے یا سم بند کراتے وقت انگلیوں کے نشانات میچ نہیں کرتے اور ان کی بائیو میٹرک تصدیق نہیں ہوتی بزرگ شہریوں نے نادرا اور محکمہ داخلہ سے مطالبہ کیا ہے کہ انکے اس مسئلے کا نوٹس لیا جائے اور فوری طور پر اس کا حل تلاش کر کے ان کی پریشانی دور کی جائے۔