مظفرگڑھ (مظفرگڑھ ڈاٹ سٹی۔ 20 فروری2023ء) مظفرگڑھ میں شارٹ سرکٹ کے باعث گھر کے کمرے میں آتشزدگی سے فرنیچر اور سارا سامان جل کر خاکستر ہو گیا ۔
ریسکیو کنٹرول روم مظفرگڑھ کے مطابق مظفرگڑھ شہر کے محلہ قیوم نگر کی گلی ڈاکٹر بشیر والی میں الیکٹرک شارٹ سرکٹ کے باعث ایک گھر کے کمرے میں موجود فرنیچر اور کپڑوں کو آگ لگ گئی،اطلاع ملنے پر ریسکیو 1122 کنٹرول روم مظفرگڑھ نے فورا” ریسکیو اسٹیشن سے ایک فائر وہیکل اور ایک موٹر بائیک ایمبولینس جائے حادثہ پر روانہ کیا ،ریسکو سٹاف نے موقع پر پہنچ کر تنگ گلی کے باعث فائر وہیکل گھر کے قریب نہ پہنچ سکنے پر فائر فائٹنگ کرتے ہوئے آگ پر قابو پایا ۔