مظفرگڑھ (مظفرگڑھ ڈاٹ سٹی۔ 01 نومبر2019ء) بااثر پٹواری نے انتقال درج کرنے کی رشوت لے لی’ سفارش کھوہ کھاتے ‘ متاثرہ نے پٹواری کے خلاف مقدمہ کے اندراج کیلئے انٹی کرپشن سے رجوع کر لیا۔تفصیل کے مطابق سابق ایم پی اے کے مبینہ دست راست اور سفارش پر خان گڑھ شہر میں عرصہ دراز سے تعینات بااثر پٹواری میاں انوار بھٹی نے شہریوں سے مبینہ لوٹ مار اور رشوت خوری کی انتہا کر رکھی ہے ہر کام کے رشوت کے ریٹ مقرر کر رکھے ہیں جبکہ دفتر میں غیرقانونی طور پر ایک پرائیویٹ منشی کے سرکاری ریکارڈ حوالے کر رکھا ہی.
پٹواری مذکور نے مقامی تاجر محمد یعقوب خان سے ایک پلاٹ کے انتقال پر 75 ہزار روپے رشوت لے لی. تاجر نے پٹواری کی رشوت ستانی پر احتجاج کرتے ہوئے ڈائریکٹر جنرل انٹی کرپشن پنجاب کو فوری کارروائی اور مبینہ راشی پٹواری کے خلاف مقدمہ درج کرنے کا مطالبہ کیا ہی.