مظفرگڑھ۔01نومبر(مظفر گڑھ ڈاٹ سٹی۔ 01 نومبر2016ء)مظفرگڑھ کے علاقے شہر سلطان میں رشتہ کے تنازعے پر سگے بھائی اور داماد نے خاتون کی ٹانگیں کاٹ دیں٬مقدمہ درج کر لیا گیا ٬تفصیل کے مطابق مظفرگڑھ کے علاقے شہر سلطان میں ملزمان کی طرف سے خاتون کی بے دردی کے ساتھ ٹانگیں کاٹنے کے بعد آنکھیں بھی نکالنے کی کوشش کی جس سے اس کی حالت انتہائی تشویشناک ہوگئی ہے اور شدید زخمی حالت میں خاتون شریفاں کو شہر سلطان ہسپتال سے نشتر ہسپتال ملتان منتقل کردیا گیا ہے۔تھانہ شہر سلطان پولیس نے موقع پر پہنچ کر کارروائی شروع کردی ہے جبکہ ملزمان فرار ہوگئے٬ خاتون کا داماد اسلم اپنی سالی آسیہ کی شادی زبردستی اپنے بھائی سے کرنا چاہتا تھا٬ ساس کے انکار پر داماد نے ساس کے بھائی منیر کے ساتھ مل کر چھریوں اور ٹوکہ کے وار کرکے اس کی ٹانگیں کاٹ دیں٬ خاتون کا خون زیادہ بہہ جانے پر حالت تشویشناک ہوگئی جس وجہ سے شریفاں بی بی کو نشتر ہسپتال ملتان منتقل کر نا پڑا. ڈی پی او اویس احمد ملک کے حکم پر تھانہ شہر سلطان کی پولیس نے ملزمان کے خلاف قاتلانہ حملے کا مقدمہ درج کر لیا ہے جس میں دہشت گردی کی دفعات بھی شامل کی گئیں ہیں اور ڈی پی او نے 24 گھنٹوں کے اندر ملزمان کی گرفتاری کا حکم دیا ہے۔