مظفرگڑھ (مظفرگڑھ ڈاٹ سٹی ۔ 19 نومبر2020ء) 2 سگے بھائیوں اور ان کے 2 کزنز سمیت 4 کم عمر طالبعلموں کی پراسرار گمشدگی کا ڈراپ سین بچے گھر سے پیسے چوری کرکے بھاگ گئے تھے پولیس نے مختصر وقت میں بچوں کو تلاش کرکے والدین کے سپرد کر دیا۔
پولیس ترجمان کے مطابق مظفرگڑھ کے نواحی علاقہ روہیلانوالی کی بستی کلال موضع چتواہن کے رہائشی محمد مزمل عمر 14 سال،اس کا بھائی مرسلین عرف مٹھو عمر 12 سال،اپنے چچا کے 2 بیٹوں محمد شان عمر 13 سال اور محمد حسین عمر 10 سال 15 نومبر کو 75000 روپے گھر سے اٹھا کر سیر و تفریح کرنے کے لئے ملتان چلے گئے تھے۔
پولیس نے تفتیش کے دوران ملنے والے شواہد کی روشنی میں ان کو ملتان سے تلاش کرکے ان کے والدین کے سپرد کر دیا ہے۔ ڈی پی او مظفرگڑھ محمد حسن اقبال نے مختصر وقت میں بچوں کو تلاش کر لینے والی پولیس ٹیم کے لئے 20000 روپے انعام کا اعلان کیا ہے۔