مظفر گڑھ۔ (مظفر گڑھ ڈاٹ سٹی۔ 30 جنوری2017ء) پاک فوج کے ریٹا ئرڈ بریگیڈر ماشاء اللہ خان نے ضلعی انتظامیہ اور ضلع پولیس کی مدد سے یاد گار مصا لحتی کردار اداکرکے دربار پیر امیر جال والہ مظفرگڑھ کے سجاد گان کے مابین جاری دیرنیہ تنازعہ ختم کرا دیا دربار عالیہ کے معاملات سے متعلقہ تمام فر یقین نے تحریری امن معا ہدہ پر دستخط کردئیے اور ایک دوسرے کیخلاف عدالتوں میں زیرسماعت مقدمات بھی واپس لینے پر متفق ہو گئے۔امن معا ہدہ پرضلعی افسران اور فریقین کے دستخط ہو تے ہی گزشتہ سال مارچ سے کی گئی دربار کی تالہ بندی ختم کرکے وہاں تعینات پولیس نفری بھی ہٹا لی گئی ہے۔فریقین کے مابین ہو نے والے تحریری معا ہدے کے مطابق دربار کے نو کنال سات مرلہ رقبہ پر مشتمل احاطہ میں سے تمام تجاوزات،دوکانیں اور گھر مسمار کئے جارہے ہیں اور فریقین کے اتفاق را ئے سے تیار کردہ نقشہ کے مطابق لنگر خانہ،مسافر خانہ اور بیت الخلا ء تعمیر کئے جائیں گے۔جبکہ تمام فریقین طے شدہ ایام میں دربار کے عطیات وصول کریں گے اور دربار فنڈ میں جمع کرائیں گے۔معا ہدے پر عملدرآمد کرتے ہو ئے فریقین نے ابتدا ئی طور پر دس لاکھ روپے دربار فنڈ کے بنک اکا ؤنٹ میں جمع کرادئیے ہیں۔امن معا ہدے کے مطابق تمام ناجائز تجاوزات گرانے اور نئی تعمیرات کی نگرانی جام ظفر درگھ کریں گے جبکہ آئندہ کسی قسم کے اختلاف کی صورت میں سردار محمد اصغر ڈوگر،استاد اللہ یار بلوچ اور الطاف حسین بھٹہ کا ثالثی فیصلہ حتمی ہو گا جس کی تمام فریقین پابندی کریں گے۔دربار عالیہ کی آمدن اور عقیدت مندان کے عطیات بینک میں جمع کرا ئے جا ئیں گے۔