مظفرگڑھ (مظفرگڑھ ڈاٹ سٹی۔ 18 جون2020ء) محکمہ صحت مظفرگڑھ نے شہر کے کچھ علاقے سیل کرنے کی افواھوں کی تردید کردی ھے گزشتہ روز سے شہر میں خورشید آباد،قائم والا،شیخوپورہتھرمل کالونی کے کچھ حصوں کو سیل کرنے کی افواھیں پھیلی ھوئی تھیں۔ترجمان محکمہ صحت کے مطابق مقامی سطح پر مریضوں کی تعداد کم ہے اور اس میں کوئی اضافہ بھی دیکھنے میں نہیں آ رھا اور حالات مکمل طور پر کنٹرول میں ہیں تاہم محکمہ صحت نے تمام طبقوں سے تعلق رکھنے والے افراد سے حکومت کے ہدایت کردہ ایس او پیز پر من وعن عمل کرنے کی اپیل کرتے ھوئے کہا ھے کہ حکومتی ایس او پیز پر عمل نہ ھونے کی صورت میں انتظامیہ سخت فیصلے کرنے پر مجبور ھو جائے گی اور لاک ڈاؤن اور علاقے سیل کرنے کی پالیسی اپنانی پڑے گی۔