مظفر گڑھ(مظفر گڑھ ڈاٹ سٹی۔10جنوری2015ء) پاکستان تحریک انصاف کے وائس چیئر مین شاہ محمود قریشی نے کہا ہے کہ جوڈیشل کمیشن کے ذریعے الیکشن 2013کی مکمل تحقیقات چاہتے ہیں،جو کمیشن حکومت بنانا چاہتی ہے وہ بے معنی ہے۔مظفر گڑھ میں میڈیا سے گفتگو کرتے ہوئے شاہ محمود قریشی نے کہا کہ تحریک انصاف چاہتی ہے کہ جوڈیشل کمیشن کے زریعے 2013 انتخابات کی حقیقت پوری قوم کے سامنے آئے،جوڈیشل کمیشن بنا دینا کافی نہیں،بلکہ اصل بات تو یہ ہے کہ وہ کتنا بااختیار ہوگا۔عمران خان کی شادی کے سوال پر شاہ محمود قریشی نے کہاکہ شادی سنت رسول اور شرعی فعل ہے،دعا ہے کہ عمران خان کی شادی کامیاب ہو۔