مظفرگڑھ (مظفر گڑھ ڈاٹ سٹی۔ 24 مئی2019ء) حلقہ این اے 184 مظفرگڑھ کے سینئر سیاسی راہنماء رانا امجد علی امجد ایڈووکیٹ نے کہا ہے کہ بھارت میں بھارتی جنتا پارٹی کی واضح برتری نہ تو جمہوریت کی جیت ہی, نہ ہی عوامی حق رائے دہی کی اہمیت کا واضح نشان ہے بلکہ بھارت میں مودی کی پارٹی کی جیت، اصل میں ، بنیاد پرستی، مذہبی جنونیت، بے نشاں اہداف اور مکروہ جذباتیت کی جیت ہے۔انہوں نے کہا کہ مودی اینڈ کمپنی کی جیت سے خطے میں امن کو سخت خطرات لاحق ہو گئے ہیں. بھارت عوام کو اس الیکشن کے نتائج خود ہی بھگتنا پڑیں گی. پرامن ممالک ان نتائج کو تشویش کی نگاہ سے دیکھ رہے ہیں.