مظفرگڑھ (مظفرگڑھ ڈاٹ سٹی۔ 20 دسمبر2022ء) ڈپٹی ڈائریکٹر لوکل گورنمنٹ مظفرگڑھ ڈاکٹر عبدالغفور نے کہا ہے کہ حکومت پنجاب اور ڈپٹی کمشنر مظفرگڑھ کیپٹن (ر) سمیع اللہ فاروق کی ہدایت پر ضلع بھر میں خصوصی آگاہی مہم برائے اندراج پیدائش کے حوصلہ افزا نتائج رہے۔ منگل کو اپنے ایک بیان میں انہوں نے کہا کہ بچوں کی بروقت برتھ رجسٹریشن کرا کے شہری مستقبل کی پریشانیوں سے محفوظ رہ سکتے ہیں، برتھ رجسٹریشن مہم کے نتائج نہائت حوصلہ افزا ہیں۔
ڈپٹی ڈائریکٹر لوکل گورنمنٹ مظفرگڑھ ڈاکٹر عبدالغفور نے بتایا ہے کہ خصوصی مہم برائے اندراج پیدائش کے ذریعے عوام میں شعور اور آگاہی پیدا کی گئی۔ انہوں نے مزید بتایا کہ تمام محکمہ جات نے برتھ رجسٹریشن کے فوائد کے حوالے سے آگاہی مہم میں اپنا بھرپور کردار ادا کیا۔
انہوں نے واضح کیا کہ شہری اپنے بچوں کی برتھ رجسٹریشن کروا کر مستقبل کی پریشانی سے بچ سکتے ہیں۔
انہوں نے کہا کہ حکومت پنجاب اور ڈپٹی کمشنر مظفرگڑھ کے ویژن کے مطابق زیادہ سے زیادہ لوگوں تک برتھ رجسٹریشن کے فوائد کا پیغام پہنچایا جا رہا ہے۔ 10 روزہ آگاہی مہم میں ضلع بھر کی یونین کونسلز میں آگاہی پیدا کی گئی۔ انہوں نے بتایا کہ پورے ضلع میں جن بچوں کا یونین کونسل میں پیدائش کا اندراج نہیں اور ان کی عمریں7 سال تک ہیں تو ان کے والدین کو چاہیے کہ وہ 10 دسمبر 2022 سے لیکر 20 دسمبر 2022 تک متعلقہ یونین کونسل میں بغیر کسی فیس کے اندراج کروا سکتے ہیں۔