ایڈیشنل ڈپٹی کمشنر جام آفتاب حسین کے اعزاز میں الوداعی تقریب کا انعقاد

مظفرگڑھ(مظفرگڑھ ڈاٹ سٹی ۔ 08 نومبر2021ء)ڈپٹی کمشنر سید موسی رضا نے کہا ہے کہ سرکاری ملازمین کیلئے ٹرانسفراورپوسٹنگ معمول کاحصہ ہیں ان سے افسران کے مشاہدے اور تجربے میں اضافہ ہو تا ہے اور پیشہ وارانہ صلاحیتوں میں نکھا ر پیدا ہوتا ہے۔ان خیالات کا اظہار انہوں نے سو ل سوسائٹی کی جانب سے منعقد کی گئی ایڈیشنل ڈپٹی کمشنر جام آفتاب حسین کی الوداعی تقریب سے خطاب کر تے ہوئے کہی۔

  چیئر مین سو ل سوسائٹی ملک خیر محمد بدھ نے ایڈیشنل ڈپٹی کمشنرجام آفتاب حسین کی خدمات کو سراہتے ہو ئے کہا کہ انہوں نے ضلعی انتظامیہ اور عوام کے درمیان پل کا کردار ادا کیا اور عوام دوست پالیسی کے تحت لوگوں کیلئے آسانیاں پیدا کی ہیں۔اجلاس سے سید امیر حسن،ملک جاوید اختر،ناظم حسین بلوچ،افضل چوہان،شاہانہ عباس شانی اور پروفیسر افتخار ہاشمی نے بھی خطاب کیا اورایڈیشنل ڈپٹی کمشنر جام آفتاب حسین نے اپنی تقریر میں مظفرگڑھ کے لوگوں کی محبت اور تعاون کو سراہتے ہوئے کہا کہ وہ خوشگوار یادیں لیکر جا رہے ہیں اور ہائر ایجوکیشن میں رہتے ہوئے بھی مظفرگڑھ  کی خدمت کو جا ری رکھیں گے۔