مظفرگڑھ۔ (مظفرگڑھ ڈاٹ سٹی ۔ 05 اکتوبر2020ء) : ڈی پی او مظفرگڑھ محمد حسن اقبال کی جانب سے اچھی کارکردگی دکھانے والے پولیس افسران کو نقد انعام اور تعریفی اسناد کا اعلان کردیا گیا۔ انہوں نے کہا کہ جہاں افسران کو کرپشن اور جرائم پیشہ افراد کی پشت پناہی کرنے پر کڑی سزائیں دی جارہی ہیں وہاں اچھی کارکردگی دیکھانے والے افسران کو بھی نوازا جائے گا۔
ڈی پی او نے مزید کہا کہ کام چور، کرپٹ افسران کی حوصلہ شکنی اور کڑی سزائیں سنائیں گے۔ضلع بھر میں جرائم میں کنٹرول کرنے پر ایس ایچ او تھانہ جتوئی رضوان شاہد کے لئے نقد انعام اور تعریفی سرٹیفکیٹ کا اعلان کیا گیا۔ ایس ایچ او تھانہ جتوئی نے ضلع بھر کے تھانوں میں جرائم کرائم کنٹرول کرنے میں پہلا نمبر حاصل کیا۔ انہوں نے کہا کہ ماہانہ پراگریس پر اچھی کارکردگی دکھانے والے ایس ایچ اوز کی حوصلہ افزائی کی جائے گی۔