مظفرگڑھ (مظفر گڑھ ڈاٹ سٹی۔ 25 مئی2019ء) ڈی پی او مظفرگڑھ صادق علی ڈوگر نے ڈی ایس پی صدر سرکل ناصر نواز کے ہمراہ سرکل کے تمام ایس ایچ او صاحبان جن میں خانگڑھ سے انسپکٹر نصراللہ خان، روہیلانوالی سے زاہد لغاری، شاہ جمال سے نواز لنڈ، قریشی سے اسماعیل مستوئی سمیت جملہ تفتیشی افسران و محرران کے ساتھ کرائم میٹنگ کی، ڈی پی او نے مقدمات کے چالان کی عدالتوں میں پینڈنسی، ملزمان کی گرفتاری، مال مسروقہ کی برامدگی، اہم گینگز کی ٹریسنگ،ان کی گرفتاری، جھوٹے مقدمہ جات کرانے والوں کی حوصلہ شکنی کیلئے ترمیمی قانون پر عملدرآمد کرتے ہوئے ان کو عدالتوں سے سزایاب کرانا، یوم علی رضی اللّٰہ عنہ،اعتکاف رمضان اور عیدالفطر کے اجتماعات کے حوالے سے سیکیورٹی ایس او پیز پر عملدرآمد کیلئے ہدایات جاری کیں، ڈی پی او کا کہنا تھا کہ جرائم پیشہ عناصر کسی رعایت کے مستحق نہیں اور ان کو رعایت دینے والا بھی کسی رعایت کا مستحق نہیں جرائم پیشہ افراد یا ان کے سفارشیوں کیلئے دل میں نرم گوشی رکھنے والے پولیس افسران و ملازمان کے خلاف سخت محکمانہ کارروائی عمل میں لائی جائیگی، ڈی پی او نے مزید کہا کہ اس ماہ جو آپ کو ٹارگٹس دیئے جا رہے ہیں اگلی میٹنگ تک ان کی تکمیل مکمل طریقے سے ہونی چاہیئے نہ کرنے کی صورت میں محکمانہ کارروائی عمل میں لائی جائیگی۔