مظفرگڑھ (مظفرگڑھ ڈاٹ سٹی ۔ 10 اگست2019ء) سول سوسائٹی،انجمن تاجران،ایپکا،سرکاری ملازمین وافسران،اساتذہ، تمام مذہبی تنظیموں اور زندگی کے ہرشعبے سے تعلق رکھنے والے افراد نے ڈپٹی کمشنر مظفرگڑھ بیرسٹر ڈاکٹر احتشام انور کی زیر صدارت ہونے والے اجلاس کے فیصلے کے مطابق کشمیری بھائیوں سے اظہار یکجہتی کیلئے مسلکی اور فروعی اختلافات سے بالاتر ہوکرتمام مسلمان بھائیوں نے نماز عیدالاضحی گورنمنٹ کالج فار بوائز ملتان روڈ مظفرگڑھ میں صبح ٹھیک 6:45 بجے اپنے بچوں بھائیوں رشتہ داروں اور دوستوں کے ساتھ ایک ساتھ ادا کرنے کا فیصلہ کیا ہے ڈپٹی کمشنر نے کہا ہے کہ تمام مسلمان بھائی چارے اور مذہبی ہم آہنگی کو فروغ دیں اور نماز عید کو احکامات الٰہی کی روشنی میں ادا کریں اور وقت کی پابندی کا بھی خیال کریں یاد رھے کہ اس اچھی روائت کی بنیاد ڈپٹی کمشنر مظفرگڑھ نے گرشتہ عید پر شروع کی تھی گزشتہ عید بھی تمام مسلمان بھائیوں نے فقہی اور مسلکی اختلافات کو پس پشت ڈالتے ہوئے ایک ساتھ ادا کی تھی۔