Breaking News
Home / News / ڈی پی او صادق علی ڈوگر کا پیٹرولنگ چیک پوسٹ میر حاجی کا دورہ

ڈی پی او صادق علی ڈوگر کا پیٹرولنگ چیک پوسٹ میر حاجی کا دورہ

مظفرگڑھ (مظفرگڑھ ڈاٹ سٹی۔ 15 اکتوبر2019ء) ڈسٹرکٹ پولیس آفیسر صادق علی ڈوگر کا پیٹرولنگ چیک پوسٹ میر حاجی کا دورہ۔ڈی پی او نے سٹاف کی حاضری اور صفائی ستھرائی کیساتھ ساتھ مذکورہ چیک پوسٹ پر جوانوں کی کارکردگی کا بھی جائزہ لیا۔تفصیل کے مطابق ڈی پی او صادق علی ڈوگر نے گزشتہ روز پیٹرولنگ چیک پوسٹ میر حاجی کا دورہ کیا جہاں انہیں انچارج چیک پوسٹ سب انسپکٹر طاہر محمود نے چیک پوسٹ پر جوانوں کی کارکردگی پر تفصیلی بریفنگ دی۔

ڈی پی او مذکورہ چیک پوسٹ کے تمام سٹاف کی سو فیصد حاضری، صفائی ستھرائی اور جامع کارکردگی پر اظہار اطمینان کرتے ہوئے جوانوں کے لئے تعریفی کلمات کہتے ہوئے چیک پوسٹ کے انچارج کی کاوشوں کو سراہا۔اس موقع پر ڈی پی او نے تمام سٹاف کو ہدایت جاری کیں کہ وہ اپنی محکمانہ ذمہ داریوں کیساتھ ساتھ راہ گیروں، مسافروں کی زیادہ سے زیادہ امدادی سرگرمیوں کو جاری رکھتے ہوئے خدمت حلق کے جذبے کیساتھ ساتھ اپنی ڈیوٹی جاری رکھیں۔

Loading...
%d bloggers like this: