Home / News / ڈی آ ئی جی جیل خانہ جات فیصل آباد کاڈسٹرکٹ جیل مظفرگڑھ کا دورہ

ڈی آ ئی جی جیل خانہ جات فیصل آباد کاڈسٹرکٹ جیل مظفرگڑھ کا دورہ

مظفرگڑھ۔24جنوری(مظفر گڑھ ڈاٹ سٹی۔ 24 جنوری2018ء) ڈپٹی انسپکٹر جنرل جیل خانہ جات فیصل آباد عبدالرئوف رانا نے ڈسٹرکٹ جیل مظفرگڑھ کی سالانہ انسپکشن کے سلسلہ میں دورہ کیا۔ اس موقع پر سپرنٹنڈ نٹ جیل اطہر جان ڈار ، ڈپٹی سپرنٹنڈنٹ جیل محمد نازک شہزاد اور دیگر آفیسران ڈسٹرکٹ جیل مظفرگڑھ بھی ان کے ہمراہ تھے۔ڈپٹی انسپکٹر جنرل نے پریڈ/کٹ پریڈ کا معائنہ کیا ، اندرون جیل کچن اسیران کا معائنہ کیا۔اسیران کی خوراک کا معیار مثالی ہونے پر جیل انتظامیہ کی کاوشوں کو سراہا۔تمام بیرکوں کا معائنہ کیا ۔ بہترین کارکردگی پر انچارجز کی کاوشوں کو سراہا اور بیرون جیل وزٹ کے دوران ملازمین کے کچن کا دورہ بھی کیا اور کھانے کا معیار چیک کیا۔ جیل انتظامیہ کی حوصلہ افزائی فرمائی اور اُن کی جملہ کارکردگی کو سراہا۔ جیل ہذا پر زیر تعمیر ترقیاتی سکیموں کی بابت ایگزیکٹو انجینئر پراونشل بلڈنگز ڈویژن مظفرگڑھ نے ڈپٹی انسپکٹر جنرل کو بریفنگ دی۔ ڈپٹی انسپکٹرجنرل نے ترقیاتی سکیموں کو معینہ مدت میں مکمل کرنے کی بابت ہدایات جاری فرمائیں۔ دوران انسپکشن جیل انتظامیہ کی طرف سے سکیورٹی کے خاطر خواہ انتظامات کئے گئے تھے۔

Loading...
%d bloggers like this: