Breaking News
Home / News / ڈپٹی کمشنر ڈاکٹر احتشام انور کی ہدایت پر ضلع مظفرگڑھ میں جانوروں کے حفاظتی ٹیکہ جات کی مہم عروج پر

ڈپٹی کمشنر ڈاکٹر احتشام انور کی ہدایت پر ضلع مظفرگڑھ میں جانوروں کے حفاظتی ٹیکہ جات کی مہم عروج پر

مظفرگڑھ (مظفرگڑھ ڈاٹ سٹی  ۔ 23 جولائی2019ء) ڈپٹی کمشنر ڈاکٹر احتشام انور کی ہدایت پر ضلع مظفرگڑھ میں جانوروں کے حفاظتی ٹیکہ جات کی مہم عروج پر۔ ڈاکٹر آصف جاہ ناز ایڈیشنل ڈائریکٹر لائیو سٹاک مظفر گڑھ نے ڈاکٹر طارق سعید ڈپٹی ڈائریکٹر لائیو سٹاک تحصیل مظفر گڑھ کے ہمراہ فلڈ ریلیف کیمپس مظفر گڑھ کے ملحقہ مواضع جات اور دیہات کا دورہ کیا اور جانوروں میں حفاظتی ٹیکہ جات کی تصدیق براہ راست جانور پال حضرات سے مل کر کی۔
اب تک ضلع مظفر گڑھ میں قائم کردہ 32 لائیو سٹاک کے فلڈ ریلیف کیمپس سے ملحقہ دیہات میں 363355جانوروں میں گل گھوٹو اور چوڑے مار 261192 بھیڑ بکریوں میں انتڑیوں کا زہر اور 268595 مرغیوں میں رانی کھیت کے حفاظیی ٹیکہ جات مکمل کر لیے گئے ہیں۔ ایڈیشنل ڈائریکٹر لائیو سٹاک مظفر گڑھ نے ہدایت کی کہ عملہ اپنے متعلقہ دیہات میں اپنے اہداف مکمل کرے۔ اب تک پورے ضلع میں کل 1559222 جانوروں میں گل گھوٹو ، 784974 جانوروں میں چوڑے مار، 1265159 بھیڑ + بکریوں میں انتڑیوں کا زہر اور 1843557 مرغیوں میں رانی کھیت کے حفاظتی ٹیکہ جات مکمل کر لیے گئے ہیں۔

Loading...
%d bloggers like this: