Home / News / ڈپٹی کمشنر نے چوک سرورشہید میں کمپیوٹرائزڈ اراضی سنٹر کاافتتا ح کردیا

ڈپٹی کمشنر نے چوک سرورشہید میں کمپیوٹرائزڈ اراضی سنٹر کاافتتا ح کردیا

مظفر گڑھ-(مظفر گڑھ ڈاٹ سٹی۔ 05 اپریل2018ء)ڈپٹی کمشنر محمد سیف انور نے چوک سرور شہید میں کمپیوٹرائزڈ اراضی سنٹر کا افتتاح کردیا ہے جہاں پر علاقے کے عوام کو کمپیوٹرائزڈ ثبوت ملکیت اور فرد ملکیت دستیاب ہوگی، اس موقع پر ڈپٹی کمشنر نے کہا کہ وزیر اعلیٰ پنجاب محمد شہباز شریف کی عوام دوست پالیسی کے تحت عوام بالخصوص دور دراز کے دیہی علاقوں کی عوام کو جدید سہولیات ان کی دہلیز پر فراہم کی جارہی ہیں، کمپیوٹر ائزڈ سنٹر کا قیام بھی اسی سلسلے کی ایک کڑی ہے، انہوں نے کہا کہ اس سے قبل چوک سرور شہید اور ارد گرد کے دیہی علاقوں کی عوام کو سفر کر کے کوٹ ادو جانا پڑتا تھا اب کمپیوٹرائزڈ سسٹم کے تحت علاقے کی عوام کو ان کے گھر کی دہلیز پر ہی ان کی اراضی کی کمپیوٹرائزڈ ثبوت ملکیت اور فرد ملکیت دستیاب ہوگی۔ڈپٹی کمشنر نے سنٹر کا معائنہ کیا اور اس موقع پر انہوں نے سنٹر پر آنے والے سائلین سے بھی گفتگو کی اور ان سے سنٹر کے قیام کے بارے میں دریافت کیا جس پر انہوں نے حکومت پنجاب کی اس اقدام پر بھر پور سراہا اور وزیر اعلیٰ پنجاب کو خراج تحسین پیش کیا، ڈپٹی کمشنر نے سائلین کے مسائل بھی دریافت کئے اور ان کے حل کیلئے فوری احکامات بھی جاری کئے۔

Loading...
%d bloggers like this: