مظفرگڑھ (مظفرگڑھ ڈاٹ سٹی۔ 02 نومبر2022ء) ڈپٹی کمشنرمظفرگڑھ کیپٹن (ر) سمیع اللہ فاروق نے تحصیل علی پور کے مضافاتی علاقوں کادورہ کیا۔ڈپٹی کمشنر نے سیت پور میں گورنمنٹ ہائی سکول کا اچانک دورہ کیا۔ انہوں نے اساتذہ اور سٹاف کی حاضری کو چیک کیا اور طلباء سے ان کی تعلیمی سرگرمیوں کے بارے میں دریافت کیا۔ ڈپٹی کمشنرنے سکول میں صفائی کے نظام کو بہتر بنانے کی ہدایت کی ۔
انہوں نے اساتذہ کو ہدایت کی کہ طلباء کی تعلیم کے ساتھ ساتھ ان کی کردار سازی بھی کی جائے تاکہ یہ معاشرے کے اچھے شہری ثابت ہوں۔ انہوں نے کہا کہ کہ تعلیمی معیار کو بہتر سے بہتر بنایا جائے، طلباء کے کھیلوں اور نصابی و ہم نصابی سرگرمیوں کے لیے بھی عملی اقدامات کیے جائیں۔ بعد ازاں ڈپٹی کمشنر نے دیہی مرکز صحت خیر پور سادات کا بھی دورہ کیا اور صفائی کی ناقص صورتحال پر برہمی کا اظہار کیا۔
ڈپٹی کمشنر نے ہسپتال میں، داخل مریضوں کی عیادت کی اور ان کے علاج معالجے کی سہولیات کے بارے میں دریافت کیا۔ انہوں نے سینئر میڈیکل آفیسر کو ہدایت کی کہ ہسپتال میں صفائی کے نظام کو بہتر بنائیں ۔انہوں نے ڈسٹرکٹ ہیلتھ آفیسر کو ہدایت کی کہ وہ تمام سرکاری ہسپتالوں میں میں صفائی کے نظام کو یقینی بنائیں، آئندہ کسی سرکاری ہسپتال میں صفائی کی شکایت نہ ہو۔ ڈپٹی کمشنر نے سیت پور میں شہر کا وزٹ بھی کیا اور عوام سے ان کے مسائل دریافت کئے۔ شہر میں صفائی اور سیوریج کے ناقص صورتحال پر انہوں نے چیف آفیسر ضلع کونسل کو ہدایت کی کہ2دن کے اندر شہر کی صفائی اور سیوریج کے مسائل کو حل کیا جائے ۔\378