مظفرگڑھ (مظفرگڑھ ڈاٹ سٹی۔ 16 جنوری2020ء) ڈپٹی کمشنر انجینئرامجد شعیب ترین کے درینہ مسائل کے عملی سدباب کا سفر جاری،دس سال سے مختلف مسائل کا شکار گرڈ ڈسپوزل ڈپٹی کمشنر کے احکامات پر مکمل فعال،پیٹر انجن کی جگہ نیا ٹرانسفارمر اور موٹر نصب۔ہر ماہ دو لاکھ کے خرچ ہونے والے پیٹرول کی بچت اور 6 افراد کی جگہ 2 افراد ڈیوٹی پر مامور۔تفصیل کے مطابق ڈپٹی کمشنر انجینئر امجد شعیب ترین کا مظفرگڑھ میں درینہ مسائل کے سدباب کا سفر جاری ہے گزشتہ دس سال سے مختلف مسائل کا شکار گرڈ ڈسپوزل کو ڈپٹی کمشنر کی ذاتی دلچسپی سے مکمل فعال کردیا گیا جبکہ پیٹر انجن کی جگہ نیا ٹرانسفارمر لگا کر سفید ھاتھی پیٹر انجن جس پر پیٹرول کی مد میں ہر ماہ خرچ ہونے والے دولاکھ کی بچت کیساتھ ساتھ چھ ملازمین کی جگہ دو ملازمین کو ڈیوٹی پر مامور کردیا گیا ہے۔دس سال سے غیر فعال گرڈ ڈسپوزل کے فعال ہونے سے ظفر کالونی، انعام آباد، ناصر آباد، مغل پورہ، جیل روڈ، پرانی بستی تلکوٹ اور خورشید آباد شرقی کے علاقوں میں سیوریج کے مسائل کے حل میں مزید بہتری آئی گی۔اس موقع پر ڈپٹی کمشنر انجنئیر امجد شعیب ترین کا کہنا تھا کہ مذکورہ گرڈ ڈسپوزل کے آپریشنل ہونے سے شہر میں سیوریج کے مسائل کے حل میں مزید بہتری ہوگی جبکہ متاثرہ ڈسپوزل سے جہاں ملحقہ علاقوں میں مسائل تھے وہ بھی حل ہونگے۔انہوں نے مزید کہا کہ شہر سے مسائل کے عملی حل کے لئے ضلعی انتظامیہ اور متعلقہ محکمے اپنی اپنی محکمانہ ذمہ داری سرانجام دینے میں مصروف عمل ہیں تاکہ شہریوں کے لئے زیادہ سے زیادہ سہولیات فراہم کی جاسکیں۔