Home / News / ڈسٹرکٹ اینڈ سیشن جج صہیب احمد رومی کا ڈپٹی کمشنرمظفرگڑھ کے ہمراہ ڈسٹرکٹ جیل کا معائنہ

ڈسٹرکٹ اینڈ سیشن جج صہیب احمد رومی کا ڈپٹی کمشنرمظفرگڑھ کے ہمراہ ڈسٹرکٹ جیل کا معائنہ

مظفرگڑھ ۔ (مظفر گڑھ ڈاٹ سٹی۔ 18 مارچ2020ء) ڈسٹرکٹ اینڈ سیشن جج صہیب احمد رومی نے ڈپٹی کمشنر انجینئر امجد شعیب خان ترین، ڈی پی او سید ندیم عباس اور ایم ایس ڈی ایچ کیو ہسپتال ڈاکٹر مہر اقبال کے ہمراہ ڈسٹرکٹ جیل کا معائنہ کیا۔اس موقع پر سپرنٹنڈنٹ جیل عامر عمر قریشی، ڈپٹی سپرنٹنڈنٹ جیل راؤ ندیم اقبال بھی موجود تھے۔ڈسٹرکٹ جیل میں کورونا وائرس سے بچاؤ کیلئے لائحہ عمل مرتب کیا گیا۔ڈسٹرکٹ اینڈ سیشن جج صہیب احمد رومی نے بتایا کہ جیل میں آنے والے نئے قیدیو ں کو ایک علیحدہ بیرک مختص کی گئی ہے جس کو قرنطینہ کا درجہ دیا گیا ہے جس میں نئے آنے والے قیدیوں کو 14دن کیلئے رکھا جائے گاجن کے لئے علیحدہ علیحدہ تھرمامیٹر ہونگے۔ ابتدائی علامات ظاہر ہونے پر متاثر قیدی کو دوسرے قیدیوں سے علیحدہ کردیا جائے گا اور اس کو ایک کمرے می آئسولیٹ کردیا جائے گااوراس کی اطلاع فوری طور پر ڈی ایچ کیو ہسپتال کے ایم ایس کو دی جائے گی جو اس کے علاج کیلئے اقدامات کریں گے۔
Loading...