Breaking News
Home / News / پیپلز پارٹی کی قیادت کیخلاف جاری انتقامی کارروائیاں ناکام ہونگی،پیپلزلائرز فورم مظفرگڑھ

پیپلز پارٹی کی قیادت کیخلاف جاری انتقامی کارروائیاں ناکام ہونگی،پیپلزلائرز فورم مظفرگڑھ

مظفرگڑھ۔ (مظفر گڑھ ڈاٹ سٹی۔ 02 جنوری2019ء) پیپلزلائرز فورم مظفرگڑھ کی طرف سے محترمہ بینظیر بھٹو شہید کی برسی کے سلسلہ میں ڈسٹرکٹ بارہال مظفرگڑھ میں خصوصی تقریب منعقد ہوئی جس کے مہمان خصوصی پیپلز لائرز فورم کے صوبائی نائب صدرملک صفدر پہوڑ ایڈووکیٹ تھے۔پارٹی رہنماؤں نے تقریب سے خطاب کرتے ہوئے کہا کہ محترمہ بینظیر بھٹو شہید آج بھی عوام کے دلوںمیں زندہ ہیں اور ہم بھی انکا مشن جاری رکھیں گے۔تقریب سے ضلعی صدر پی ایل ایف اللہ نوازعلیزئی اور پاکستان پیپلزپارٹی کے ضلعی جنرل سیکرٹری ملک مظہر پہوڑ اور ڈویثرنل صدرسردار ظفراللہ خان لغاری سمیت دوسرے مقامی رہنماؤں نے خطاب کرتے ہوئے کہا کہ پیپلز پارٹی کی قیادت کیخلاف جاری انتقامی کارروائیاں ناکام ہونگی اورپاکستان کے محنت کش عوام بلاول بھٹو کی قیادت میں قائدعوام اور محترمہ بینظیر شہید کا مشن مکمل کرکے وطن عزیز کو خوشحال اور ناقابل تسخیر مملکت بنائیں گے۔تقریب کے اختتام پر صدارتی امیدوار مہر اعجازایڈووکیٹ نے بینظیر بھٹو شہید کے ایصال ثواب کیلئے فاتحہ خوانی اور دعا کرائی۔
Loading...
%d bloggers like this: