Home / News / Urdu News / پسند کی شادی کرنا جرم بن گیا، نوجوان لڑکی کو اپنے ہی گھر والوں نے زہر دے دیا

پسند کی شادی کرنا جرم بن گیا، نوجوان لڑکی کو اپنے ہی گھر والوں نے زہر دے دیا

مظفر گڑھ ( مظفرگڑھ ڈاٹ سٹی نیوز ۔ 03 جون 2021ء ) پسند کی شادی کرنا جرم بن گیا، مظفر گڑھ میں نوجوان لڑکی کو اپنے ہی گھر والوں نے زہر دے دیا۔ تفصیلات کے مطابق مظفرگڑھ میں پسند کی شادی کرنے والی لڑکی کو مبینہ طورپر زہر دے دیا گيا۔زہر خورانی سے لڑکی کی حالت خراب ہوگئی اور اسے تشویش ناک حالت میں اسپتال منتقل کردیا گیا۔ کے مطابق لڑکی نے الزام لگایا ہےکہ اس کے گھر والوں اور رشتے داروں نے زبردستی زہریلی گولیاں کھلائيں۔

پولیس نےلڑکی کے بیان کی روشنی میں لڑکی کے والدین اور بھائیوں سمیت 5 رشتے داروں کے خلاف مقدمہ درج کرلیا۔گزشتہ روز ایسی ہی ایک افسوسناک خبر سامنے آئی تھی، جس میں بتایا گیا تھا کہ پسند کی شادی کی اجازت نہ دینے پر بیٹے نے اپنے ہی باپ کو گولیاں مار کر کر دیا-کامونکی میں نوجوان نے فائرنگ کرکے باپ کو قتل کردیا جب کہ چچا گولیاں لگنے سے شدید زخمی ہوگیا۔

چک ہندہ کے رہائشی تنویر اوراس کے والد میں تلخ کلامی کے بعد بیٹے نے اپنے باپ پرفائرنگ کردی جس سے اسکا والد صغیر احمد موقع پر ہلاک ہوگیا جب کہ چچا شبیر احمد گولیاں لگنے سے شدید زخمی ہوگیا۔ملزم واردات کے بعد فرار ہوگیا جب کہ پولیس نے واقعے کی اطلاع ملنے پر ریسکیو 1122 کی مدد سے لاش اور زخمی کو ٹی ایچ کیو اسپتال منتقل کردیا۔ پولیس کاکہنا ہے کہ ابتدائی تفتیش کے مطابق ملزم پسند کی شادی کرنا چاہتا تھا۔

علاقہ پولیس نے ابتدائی تفتیش کے تحت بتایا ہے کہ اسی مسئلے پر جب باپ بیٹے کے درمیان تلخ کلامی ہوئی تو تنویر نے اپنے والد پر فائرنگ کردی جس کے نتیجے میں وہ موقع پر ہی ہو گیا جب کہ چچا شبیر احمد گولیاں لگنے سے شدید زخمی ہو گیا ہے۔

Loading...
%d bloggers like this: