Breaking News
Home / News / پاکستان کا ہر فردکشمیری بھائیوں کے ساتھ کھڑا ہے،ڈپٹی کمشنر مظفرگڑھ

پاکستان کا ہر فردکشمیری بھائیوں کے ساتھ کھڑا ہے،ڈپٹی کمشنر مظفرگڑھ

مظفرگڑھ ۔ (مظفرگڑھ ڈاٹ سٹی ۔ 05 اگست2019ء) ڈپٹی کمشنر مظفرگڑھ ڈاکٹر احتشام انور نے کہا ہے کہ مظفرگڑھ کی عوام سمیت پاکستان کا ہر فردکشمیری بھائیوں کے ساتھ کھڑا ہے اور یہ پیغام دے رہا ہے کہ کشمیر پاکستان کی شہ رگ ہے اور کشمیری ہمارے بھائی ہیں اور ہم اپنے بھائیوں کے ساتھ ہر ممکن تعاون کریں گے اور کشمیر کو آزاد کرائیں گے یہ بات انہوں نے کشمیری عوام سے یکجہتی کیلئے ڈی سی آفس سے کچہری چوک تک نکالی جانے والی ایک ریلی سے خطاب کرتے ہوئے کہی۔
ریلی میں صدر ڈسٹرکٹ بار مہر اعجاز، صدر مرکزی انجمن تاجران، جنرل سیکرٹری انجمن تاجران شیخ عامر سلیم، رانا افضل، افضل چوہان،ضلعی صدر اپیکا وزیر خان دستی،سید ہلال کاظمی، سید اختر بخاری، ملک جاوید اختر، پروفیسر افتخار ہاشمی، پرنسپل پوسٹ گریجویٹ کالج خلیل الرحمن فاروقی، سی ای او تعلیم مسعود ندیم، پی ایم اے کے نمائندہ ڈاکٹرزسمیت سول سوسائٹی کے نمائندگان، اساتذہ اور طلباء کی کثیر تعداد نے شرکت کی۔

Loading...