Home / News / ٹرک اورکیری ڈبہ میں تصادم ،ایک ہی خاندان کی3خواتین سمیت 4افرادموقع پرجاں بحق،2زخمی

ٹرک اورکیری ڈبہ میں تصادم ،ایک ہی خاندان کی3خواتین سمیت 4افرادموقع پرجاں بحق،2زخمی

مظفر گڑھ۔16 ستمبر(مظفر گڑھ ڈاٹ سٹی۔ 16 ستمبر2018ء) مظفرگڑھ کے علاقے چوک سرور شہید میں ٹریفک حادثہ، ٹرک کی ایک کیری ڈبہ کو ٹکر، ایک ہی خاندان کے چار افراد موقع پرجاں بحق اور 2 زخمی، حادثہ تیز رفتاری کے باعث پیش آیا، تفصیل کے مطابق مظفرگڑھ کے علاقے چوک سرور شہید میں علی الصبح ایک کیری ڈبہ جو بہاولپور سے لیہ جارہا تھا کہ سامنے سے آنے والے ایک تیز رفتار ٹرک کی زد میں آگیا اور ٹرک کی کیری ڈبہ کو ٹکر لگنے سے 4 افراد موقع پر جاں بحق اور 2زخمی ہوگئی.حادثے کے نتیجے میں جاں بحق ہونے والے افراد میں 3خواتین بھی شامل ہیں۔جاں بحق ہونے والے افراد تعلق ایک ہی خاندان سے تھا ۔کیری ڈبہ بہاولپور سے لیہ جا رہا تھے کہ تیز رفتاری کے باعث حادثہ پیش آیا۔ مرنے والوں میں عبدالحمید، مناحل حمید، مدیحہ بی بی اور ریحانہ بی بی شامل ہیں جبکہ زخمی ہونے والوں میں نادیہ بی بی اور مقصودہ بی بی شامل ہیں. ٹرک کا ڈرائیور موقع سے فرار ہو گیا۔ لاشوں اور زخمیوں کو تحصیل ہیڈ کواٹر ہسپتال منتقل کر دیا گیا۔ بعدازاں لاشوں کو ضروری کارروائی کے بعد بہاولپور منتقل کر دیا گیا ہی. پولیس نے موقع پر پہنچ کر کارروائی کا آغاز کر دیا۔
Loading...
%d bloggers like this: