مظفر گڑھ ۔ (مظفر گڑھ ڈاٹ سٹی۔ 25 فروری2018ء) صوبائی اسمبلی کے رکن اور پاکستان مسلم لیگ ن کے رہنما حماد نواز خان ٹیپو نے کہا ہے کہ وزیر اعلیٰ پنجا ب محمد شہباز شریف نے جنوبی پنجاب کو ترقی کی راہ پر گامزن کرنے کے سفر کو جاری رکھتے ہوئے مظفرگڑھ میں ترقیاتی کاموں کے لئے قابل تحسین خصوصی فنڈز جاری کیے جو انکی عوام دوستی کا ثبوت ہیں۔الیکشن 2013 ء سے آج تک عوامی خدمت کو عبادت سمجھ کر سرانجام دیااور تمام ووٹرز کے مسائل کو ترجیحی بنیادوں پر حل کرایا۔ ان خیالات کا اظہار حماد نواز خان ٹیپو نے بلدیاتی نمائندوں اور میڈیا سے گفتگو کرتے ہوئے کیا۔ ان کا کہنا تھا کہ وہ اپنے حلقے میں بے شمار منصوبے مکمل کرا چکے ہیں ۔مظفرگڑھ کی عوام سے بلدیاتی الیکشن کے دوران کیے گئے تمام وعدے پورے کر چکے ہیں جوکہ ایک ریکارڈ ہے اور عوام سے دلی محبت کا بہترین اظہار ہےاس سے قبل تمام نمائندے ووٹ تو لیتے رہے مگر عوام کی فلاح و بہبود پر کسی نے توجہ نہ دی ،ہم نے سیاست کو عباد ت سمجھ کر سرانجام دیا ہے اور آئندہ الیکشن میں بھی عوام کے ووٹ کی طاقت سے منتخب ہوکر میگا پراجیکٹس کا کبھی نہ رکنے والا سلسلہ جاری رکھیں گے۔ اپنے حلقہ کوتھانہ کچہری کی سیاست سے پاک کر دیا ہے اور میرے گھر کے دروازے حلقے کے تمام لوگوں کے لئے ہمہ وقت کھلے ہیں اس موقع پر بلدیاتی نمائندے اور اہل علاقہ بھی موجود تھے۔