نمونیا اور اسہال کے تدراک کیلئے ہر ممکن وسائل بروکار لائے جائیں گے،سی ای او صحت

مظفرگڑھ۔ (مظفرگڑھ ڈاٹ سٹی۔ 22 جولائی2020ء) چیف ایگزیکٹیو آفسیر صحت ڈاکٹر فیاض کریم لغاری نے کہا ہے کہ جدید طریقہ علاج کے ذریعے پانچ سال سے کم عمر بچوں میں نمونیا اور اسہال کا تدراک ممکن ہے کورونا کی صورتحال کے پیش نظر نمونیا اور اسہال کے تدراک کیلئے ہر ممکن وسائل بروکار لائے جائیں گے۔ یہ بات انہوں نے یونیسف کے زیر اہتمام ویڈیو لنک کے ذریعے بچوں میں نمونیا اور اسہال کے اسباب تدارک اور جدید طریقہ علاج کے سلسلہ یونیسیف کے زیر اہتمام ایک روزہ تربیتی ورکشاپ سے خطاب کرتے ہوئے کہی۔انہوں نے کہا موسم کی تبدیلی کے ساتھ ہی اسہال اور نمونیا کے مریضوں کی تعداد میں متوقع اضافہ کے پیشِ نظر ماہر بچگان کیلئے حکومت کی جانب سے تربیتی ورکشاپ کا انعقاد احسن اقدام ہے۔ڈی ایچ او ڈاکٹر اقبال مکول نے کہا کہ یہ ٹریننگ ماسٹر ٹرینرز کو دی گئی ہے جو بعد ازاں تحصیل ہیڈ کوارٹرز پر جنرل پریکٹیشنر کو تربیت دیں گے جوپی ایم اے ڈاکٹر کی نمائندہ تنظیم کے حوالہ سے ڈاکٹرز میں تحریک پیدا کرنے میں اہم کردار ادا کریگی ویڈیو لنک پر ڈاکٹر ہارون احمد چیئرمین شعبہ بچگان ڈاکٹر فہیم ڈاکٹر مشتاق حسین رانا یونیسیف نے لیکچر دیئے جبکہ ڈاکٹر اقبال مکول ڈی ایچ او نے کے میزبانی کے فرائض سر انجام دئے۔