Breaking News
Home / News / نقدی اور موبائل فون چھیننے والے گینگ کو گرفتار کرلیا گیا

نقدی اور موبائل فون چھیننے والے گینگ کو گرفتار کرلیا گیا

مظفرگڑھ۔ (مظفر گڑھ ڈاٹ سٹی۔ 13 اپریل2019ء) تھانہ شاہ جمال پولیس نے شریف شہریوں سے اسلحہ کے زور پر نقدی اور موبائل فون چھیننے والے گینگ کو گرفتار کرلیا۔تھانہ شاہ جمال میں منعقد کی جانے والی پریس بریفنگ میں ڈی پی اومظفرگڑھ غازی محمد صلاح الدین نے بتایا کہ تھانہ شاہ جمال کی حدود میں کئی مہینوں سے ایک کریمنل گینگ متحرک تھا جو شریف شہریوں سے اسلحہ کے زور پر جان سے مارنے کا خوف طاری کرتے ہوئے نقدی رقم اور موبائل فون چھین کر ہوائی فائرنگ کرتے ہوئے فرار ہو جاتا تھا اس گینگ کی گرفتاری کے لیے ایس ایچ او تھانہ شاہ جمال چودھری جاوید اختر نے پولیس ٹیم تشکیل دی جس نے شب و روز کی انتھک محنت کے بعد اس گینگ کو رنگے ہاتھوں گرفتارکرلیا اور ملزمان سے چھ لاکھ دس ہزار روپے تین عدد پسٹل ایک عدد ریفل اور گولیاں بھی برآمد کر لی پولیس ٹیم کی کاوشوں کو سراہتے ہوئے جہاں ڈی پی اومظفرگڑھ کی جانب سے نقد انعام اور تعریفی سرٹیفکیٹس کا اعلان کیا گیا وہاں اہل علاقہ کی جانب سے بھی ڈی پی او مظفرگڑھ ایس ایچ او چوہدری جاوید اختر اور پولیس ٹیم کو پھولوں کے ہار پہنائے گئے ڈی پی اومظفرگڑھ نے مزید کہا کہ عوام جھوٹی ایف آئی آر سے پرہیز کریں اور معاشرے کی فلاح کے لیے پولیس کے ساتھ تعاون کریں پولیس کا نظام روز بروز جدت کی طرف گامزن ہے عوامی خدمت کے لیے فرنٹ ڈیسک اور خدمت سنٹر اس کے علاوہ دیگر سہولیات بھی پولیس ڈیپارٹمنٹ میں لائی جارہی ہیں جس سے سائلین کو جلدانصاف کی فراہمی میں مدد ملے گی۔

Loading...
%d bloggers like this: