مظفر گڑھ۔16 ستمبر(مظفر گڑھ ڈاٹ سٹی۔ 16 ستمبر2018ء) وزارت برائے انسانی حقوق کی جانب سے اسلامی قوانین اور آئین کے مطابق میراث میں خواتین کے حق کے حوالے سے آگاہی فراہم کرنے کے لیے مہم کا آغاز کردیا گیا۔وفاقی وزیر برائے انسانی حقوق ڈاکٹر شیریں مزاری کی زیر نگرانی مہم چلائی جائے گی. مظفرگڑھ میں انسانی حقوق کمیشن آف پاکستان کے آبزرور اور ممتاز قانون دان رانا امجد ایڈووکیٹ نے گزشتہ روز مہم کا آغاز کیا. اس موقع پر خطاب کرتے ہوئے انہوں نے کہا کہ وزارت انسانی حقوق خواتین کو میراث میں ان کے حق کے حوالے سے معاونت فراہم کرے گی جو خواتین معاونت حاصل کرنا چاہیں تو وزارت انسانی حقوق سے براہ راست رابطہ بھی کر سکتی ہیں۔