ملک میں غذائی ضروریات کو پورا کرنے کیلئے کسانوں کی خدمات کو فراموش نہیں کیا جاسکتا،ڈپٹی کمشنر مظفرگڑھ

یہ بات انہوں نے یہ بات انہوں نے وزیر اعظم پاکستان کے زراعت ایمرجنسی پروگرام کے تحت گنے کی فی ایکڑپیداوار کے مقابلے میں پوزیشن حاصل کرنے والے کسانوں کو انعامی رقم اور سرٹیفیکیٹ تقسیم کرتے ہوئے کہی۔

اس موقع پر ڈپٹی ڈائریکٹر زراعت رانا حبیب الرحمٰن بھی ان کے ہمراہ تھے۔ ڈپٹی کمشنر نے پوزیشن حاصل کرنے والے کسانوں کو مبارک باد دیتے ہوئے کہا کہ وہ دوسرے کسانوں کیلئے مثال ہیں۔ انہوں نے کہا کہ جدید ٹیکنالوجی اور زرعی سفارشات کو استعمال میں لاتے ہوئے فی ایکڑ پیداوار میں اضافہ کیا جاسکتا ہے جس سے نہ صرف ملکی ضروریات پوری ہونگی بلکہ زرعی اجناس کو برآمد کرکے زرمبادلہ بھی کمایا جاسکتا ہے اس طرح کسان بھی خوشحال ہوگا اور ملکی معیشت بھی مضبوط ہوگی۔