Home / News / مظفر گڑھ ‘نامعلوم شخص نے جنسی درندگی کی کوشش میں ناکامی کے بعد مٹی کا تیل چھڑک کر خاتون کو آگ لگا دی

مظفر گڑھ ‘نامعلوم شخص نے جنسی درندگی کی کوشش میں ناکامی کے بعد مٹی کا تیل چھڑک کر خاتون کو آگ لگا دی

مظفرگڑھ (مظفر گڑھ ڈاٹ سٹی۔16 مئی۔2016ء) چوک قریشی مظفرگڑھ میں نامعلوم شخص نے جنسی درندگی کی کوشش میں ناکامی کے بعد مٹی کا تیل چھڑک کر خاتون کو آگ لگا دی جس سے اس کے جسم کا 20 سے 25 فیصد حصہ جھلس گیا‘ پولیس نے معاملہ مشکوک قرار دیتے ہوئے پوچھ گچھ کیلئے خاتون کے شوہر کو بھی حراست میں لے لیا ۔ خاتون نے پولیس کو بیان دیا کہ ملزم نے گھر میں داخل ہوکرزیادتی کی کوشش کی۔رپورٹ کے مطابق نگینہ بی بی کی شادی شجاع آباد کے محمد اسماعیل سے ہوئی تھی اور اسی کے ساتھ میکے بستی آدم والا آئی ہوئی تھی ۔خاتون نے پولیس کو بتایاکہ وہ گھر میں اکیلی تھی اور نامعلوم شخص نے گھر میں گھس کر جنسی درندگی کی کوشش کی تاہم ناکامی پر آگ لگادی۔متاثرہ خاتون کے شوہر نے پولیس کو بتایاکہ وہ رفع حاجت کیلئے گھر سے باہر تھا تاہم جب واپس آیا تو خاتون آگ میں لپٹی ملی ۔پولیس کے مطابق گنجان آباد علاقے میں ایسا ممکن نہیں کہ کوئی شخص گھر میں داخل ہو اور آگ لگا کر نکل جائے اور کسی کو کانوں کان خبر نہ ہو، پولیس نے معاملہ مشکوک قراردیتے ہوئے شوہر محمد اسماعیل کو حراست میں لے لیا۔ خاتون کے رشتہ داروں کے مطابق نگینہ اسماعیل سے شادی پر خوش نہیں تھی اور پہلے بھی طلاق یافتہ تھی ۔

Loading...
%d bloggers like this: