مظفر گڑھ(مظفر گڑھ ڈاٹ سٹی۔8نومبر۔2015ء) مظفر گڑھ میں بم ڈسپوزل سکواڈ نے امام بارگاہ کے باہر دس کلو وزنی بم ناکارہ بنا دیا۔تفصیلات کے مطابق علی پور تحصیل کی مرکزی امام بارگاہ حسینیہ میں ہفتہ کی شام سے خواتین کی مجلس ہو رہی تھی، تاہم امام بارگاہ کے باہر ایک دودھ کے ڈبے میں بم کی موجودگی پر مجلس وقت سے قبل ختم کر دی گئی۔اطلاع ملنے پر بم ڈسپوزل سکواڈ اور پولیس کی اضافی نفری موقع پر پہنچ گئی اور بم کو ناکارہ بنا دیا گیا۔سخت سیکیورٹی کے باوجود بارودی مواد کے امام بارگاہ تک پہنچنے پر علاقہ مکین سوال اٹھاتے رہے۔ڈی پی او مظفر گڑھ اویس ملک نیامام بارگاہ کے اطراف سرچ آپریشن کا حکم دے دیا۔ابھی تک کسی نے بم رکھنے کی ذمہ داری قبول نہیں کی۔