Home / News / مظفر گڑھ: اسکول میں بم کی جھوٹی اطلاع پر طالبہ کے خلاف مقدمہ درج

مظفر گڑھ: اسکول میں بم کی جھوٹی اطلاع پر طالبہ کے خلاف مقدمہ درج

مظفرگڑھ (مظفرگڑھ ڈاٹ سٹی 26 مارچ2021ء) مظفرگڑھ کی تحصیل کے علاقے بیٹ میر ہزار خان گورمنٹ گرلز ہائی اسکول بیلے والا میں بم کی جھوٹی ٌاطلاع دینے والی طالبہ کے خلاف مقدمہ درج کرلیا گیا۔ میڈیا رپورٹ کے مطابق گزشتہ روز گورمنٹ گرلز ہائی سکول بیلے والا میں زیر تعلیم لڑکی مہوش نے ہیلپ لائن 15 پر کال کر کے کہا کہ اسکول میں بم ہے جس سے سیکڑوں طالبات کی جانوں کو خطرہ ہے۔
مذکورہ اطلاع پر جتوئی تھانے کی اور میر ہزار خان تھانے کے پولیس اہلکار فوری طور پر گرلز ہائی اسکول پہنچے اور اسے گھیرے میں لینے کے بعد اسکول کو خالی کروالیا۔ پولیس اہلکاروں نے سیکڑوں طالبات کو اسکول سے باہر نکال کر تمام کمروں کا سرچ آپریشن کیا جو آدھے گھنٹے تک جاری رہا جس کے بعد اسکول کو کلئیر قرار دے دیا گیا۔

اطلاع جھوٹی ثابت ہونے پر پولیس نے ہیڈ مسٹریس نوشابہ اعظم سے طالبہ کی جھوٹی کال کے حوالے سے پوچھ گچھ کی تو انہوں بتایا کہا کہ مہوش ایک ہفتے سے اسکول ہی نہیں آرہی تھی۔

بعدازاں بم کی جھوٹی اطلاع دینے پر طالبہ کے خلاف میر ہزار خان تھانے کے سب انسپکٹر محمد اکبر خان کی مدعیت میں ٹیلی گراف ایکٹ کے تحت کے خلاف مقدمہ درج کر لیا ہے تاہم کوئی گرفتاری عمل میں نہیں آئی۔ رپورٹس کے مطابق کے مطابق جھوٹی کال کرنے والی طالبہ کے والد محنت مزدوری کی غرض سے میں تھے۔اسکول میں بم موجود ہونے کی اطلاع ملنے اور پولیس کی بھاری نفری پہنچنے پر علاقے میں خوف وہراس پھیل گیا تھا۔a

Loading...
%d bloggers like this: