مظفر گڑھ۔۔۔زہریلی شراب سے ہلاکتوں کا سلسلہ جاری، ایک خاتون اور 3 سگے بھائیوں سمیت مزید 7 افراد بھی جان کی بازی ہار گئے ، ہلاکتوں کی تعداد 17ہو گئی

پولیس ترجمان کے مطابق ڈی پی او احمد نواز کی ہدایت پر ڈی ایس پی علی پور منور بزدار نے کامیاب کارروائی کر کے مرکزی ملزم سلطان کو گرفتار کر لیا ہے جبکہ اس کے کارندہ سانول پہلے سے گرفتار ہے،ڈی ایس پی منوربزدار نے ٹیم کے ہمراہ مرکزی ملزم بد نام زمانہ منشیات فروش سلطان کو گرفتار کرلیا ہے،ٹیم میں سابقہ ایس ایچ او تھانہ صدر علی پور سجاد حیدر اور سابقہ ایس ایچ او تھانہ سٹی علی پور جہانزیب بھی شامل تھے،ملزم کو جدید ٹیکنالوجی کی مدد سے ٹریس کرکے گرفتار کیا گیا ہے،پولیس ترجمان کے مطابق ملزم عادی مجرم ہے اور پہلے بھی 20 مقدمات میں گرفتار ہوکر چالان ہو چکا ہےیاد رہے کہ 11 اگست کی شب علی پور میں مقد مہ کے مرکزی ملزم سلطان اور اس کے کارندے سانول نے زہریلی شراب سپلائی کی تھی جسے پی کر مرنے والوں کی تعداد اب تک 17 تک پہنچ چکی ہے، جبکہ کچھ افراد ہسپتال میں زیر علاج ہیں، واقعہ کے 2 الگ الگ مقدمات تھانہ سٹی علی پور اور تھانہ صدر علی پور میں درج کئے جا چکے ہیں،ڈی پی او مظفرگڑھ نے واقعہ کا نوٹس لیتے ہوئے غفلت اور کوتاہی برتنے پر تھانہ سٹی علی پور اور تھانہ صدر علی پور کے ایس ایچ اوز کو معطل کر دیا اور ایس پی انویسٹی گیشن کی سربراہی میں ایک تحقیقاتی کمیٹی تشکیل دی ہے جو فرانزک رپورٹ کی روشنی میں معاملے کی ہر پہلو سے تحقیقات کرے گی،ڈی پی او کے حکم پر پولیس نے شراب فروشوں کے خلاف آپریشن شروع کر دیا ہے۔