مظفرگڑھ (مظفر گڑھ ڈاٹ سٹی۔27 مئی۔2016ء ) مظفر گڑھ میں زہریلی مٹھائی کھانے سے 6 افراد کی حالت غیر ہو گئی جن کو نشتر ہسپتال ملتان منتقل کر دیا گیا ۔سلطان کالونی کے رہائشی اکبر نے میلاد کے بعد بانٹنے کے لیے قریبی بیکری سے مٹھائی منگوائی جو کہ زہریلی نکلی۔ مٹھائی کھانے والے خاندان کے 6 افراد کی حالت غیر ہو گئی۔ جنہیں ابتدائی طور پر مظفر گڑھ ہسپتال لایا گیا لیکن حالت مزید خراب ہونے پر ملتان کے نشترہسپتال کے ایمر جنسی وارڈ میں منتقل کر دیا گیا۔ ڈاکڑز کا کہنا ہے کہ 6 افراد میں 3 کی حالت انتہائی تشویشناک ہے۔