مظفرآباد(مظفر گڑھ ڈاٹ سٹی۔ 7 دسمبر 2013ء) وادی لیپہ کے علاقے بلگراں تریڈہ شریف میں شر پسند عناصر کی جانب سے رات کی تاریکی میں ایک غریب شخص کے گھر کو جلانے کی کوشش مقامی لوگوں نے جدو جہد کر کے گھر کو جلنے سے بچا لیا ملزمان کے خلاف پولیس تھانہ لیپہ میں مقدمہ درج کروادیا گیا ایک شخص گرفتار جبکہ باقی ملزمان کو پولیس گرفتار کرنے میں ناکام ہے۔وادی لیپہ بلگراں تریڈہ شریف کے رہائشی محمد انور میر اور محمد یوسف کے گھر کے قریب گھاس کو رات تین بجے چند شر پسند عناصر نے آگ لگا دی آگ اتنی شدید تھی کہ اس کی لپیٹ میں محمد انور اور محمد یوسف کے گھر بھی آ گئے۔ مقامی لوگوں نے بھرپور کوشش کے بعد آگ پر قابو پا لیا اور نہ صرف ان کے گھر کوبچا لیا ۔ محمد انور میر اور محمد یوصف نے ملزمان کے خلاف مقدمہ درج کرو لیا جس کے نتیجہ میں ایک شخص محمد فیاض گرفتار کر لیا گیا ہے جبکہ باقی ملزم تا حال گرفتار نہیں کیے جا سکے۔محمد انور نے الزام لگایا ہے کہ محمد ریاض، محمد شیراز اور ممتاز ولد حسیب اللہ بھی اس میں ملوس ہیں اور وہ آزادانہ گھوم رہے ہیں جبکہ پولیس انھیں گرفتار نھیں کر رہی۔ محمد انور میرنے یہ بھی الزام لگایا کہ عاشق حسین ولد برکت اللہ جو اب مظفرآباد پلیٹ میں رہائیش پزیر ہے اور پی ڈبلیو ڈی کا ملازم ہے ملزمان کی پشت پناہی کر رہا ہے محمد انور میر اور مقامی لوگوں نے آئی جی پولیس سے مطالبہ کیا کہ اس کیس میں ملوث افراد کو فوری گرفتار کیا جائے۔