مظفرگڑھ کے مختلف مقامات ضلع کی مشہور ہستیوں کے نام منسوب کرنے کے احکامات جاری

مظفرگڑھ (مظفرگڑھ ڈاٹ سٹی۔ 15 اکتوبر2019ء) ضلع مظفرگڑھ کے مختلف مقامات، سڑکوں، گلیوں اور چوراہوں کے نام ضلع کی مشہور ہستیوں کے نام منسوب کرنے کیلئے ضلع کونسل اور میونسپل کمیٹیوں کے ایڈمنسٹریٹرز کو ہدایت جاری کردی گئی ہیں، اس اقدام سے نہ صرف ان مشاہیر کی ضلع کا نام بلند کرنے کے حوالے سے خدمات کا اعتراف کیا جاسکے گا بلکہ ان کو نئی نسل کے سامنے قابل تقلید مثال کے طور پر بھی پیش کیاجا سکے گا، پہلے مرحلے میں نواب زادہ نصراللہ خان، سردر کوڑا خان جتوئی، جسٹس تصدق حسین جیلانی، عبدالحمید دستی، ڈاکٹر اعجاز احمد لنگڑیال شہید، پٹھاے خان اور توقیر ناصر کے ناموں کا انتخاب کیا گیا ہے، اس حوالے سے مظفرگڑھ کے شہریوں سے بھی تجاویز طلب کی گئی ہیں، جو براہ راست ڈپٹی کمشنر، ایڈیشنل ڈپٹی کمشنر اور متعلقہ اسسٹنٹ کمشنرکے دفاتر میں جمع کروائی جاسکتی ہیں۔