مظفرگڑھ (مظفرگڑھ ڈاٹ سٹی ۔ 10 اگست2019ء) سردار عامر طلال خان گوپانگ ممبر قومی اسمبلی نے کہا ہے کہ مظفرگڑھ سے علی پور سڑک جو قاتل روڈ کے نام سے مشہور ہو چکی ہے،اس کی میں نے وزیراعظم عمران خان سے منظوری کرا لی ہے اس منصوبہ کی خبر ضلع مظفرگڑھ کے علاقے کیلئے خوش کن ہے ،اس پر جلد کام شروع ہو جائے گا ان خیالات کا اظہار انہوں نے ہائی کورٹ بار ملتان کے ممبر میاں احمد محمود سینئر ایڈووکیٹ کی سردار عامر طلال خان گوپانگ ممبر قومی اسمبلی مظفرگڑھ سابق صوبائی وزیر ملک جہانزیب وارن اور سردار اختر علی گوپانگ راہنما پیپلزپارٹی کے اعزاز میں دئیے گئے عشائیہ کے موقع پر شرکاء سے گفتگو کرتے ہوئے کیا، انہوں نے کہا ہے عوام کی امیدوں پر پورا اتروں گا ۔