مظفرگڑھ ، ڈسٹرکٹ پولیس آفیسر کا دفتر پولیس میں کھلی کچہری کا انعقاد

ڈسٹرکٹ پولیس آفیسر مظفرگڑھ فراز احمد نے تمام سائلین کے فرداً فرداً مسائل سنے اور ان مسائل کے حل کیلئے موقع پر ہی احکامات جاری کئے۔ اس موقع پر ڈسٹرکٹ پولیس آفیسر فراز احمد کا کہنا تھا کہ تمام تر سائلین میرے لئے قابل احترام ہیں اور ان کے مسائل کا حل کرنا میرا اولین مقصد ہے۔انہوں نے کہا کہ لوگوں کو سول اور وراثت سے متعلق معاملات کے  لیے متعلقہ فورم سے رجوع کرنا چاہیے،لوگوں کو لین دین کرتے وقت تحریری معاہدہ کرنا چاہیے تاکہ بعد کے معاملات میں پریشانی نہ ہو۔انہوں نے کہا کہ لوگوں کے مسائل ان کی دہلیز تک جا کر حل کرنا میری اولین ترجیح ہے ،مظفرگڑھ پولیس لوگوں کی جان ومال اور عزت و آبرو کی حفاظت کے لیے رات دن کوشاں ہے۔